ԱԻՄ նախագահ Պարույր Հայրիկյանը դժգոհ է, որ իր վրա կատարված մահափորձի գործը մինչև վերջ չի բացահայտվել: Այս մասին նա ասաց այսօր կայացած մամուլի ասուլիսի ժամանակ` հավելելով, որ նախաքննությունը, ճիշտ է, բացահայտել էր, որ Վարդան Սեդրակյանը մահափորձի պատվիրատուից հարյուր հազար դոլար է ստացել, սակայն դատարանն այդպես էլ չպարզեց այդ գումարի ծագումը:
«Միաժամանակ շնորհակալ եմ նախաքննությանը, որ անաչառ լրագրողներին հնարավորություն տրվեց լուսաբանել դատական ողջ գործընթացը»,- ասաց նա:
Հայրիկյանի խոսքով՝ ակնհայտ է, որ հունվարի 31-ի կրակոցով սկիզբ դրվեց Հայաստանի անդամակցությանը Մաքսային միությանը: «Դա քայլ էր, որն իր ավարտը ունեցավ սեպտեմբերի 3-ին: Պուտինը հայտարարել էր, որ կայսերական պետությանը դեմ հանդես եկող ուժերի նկատմամբ պետք է մեղմ ուժ կիրառվի: Այդ ուժերից մեկը ես էի, իսկ ռուս ժողովուրդը այն կարծիքին էր, որ ՀՀ նախագահ պետք է ընտրվեի ես»,- պարզաբանեց նա` հավելելով, որ իր հանդեպ մի քանի մահափորձերի պատճառով 92-ից մշտապես զենք է կրել, սակայն վերջին մահափորձի ժամանակ իր մոտ զենք չի եղել:
ԱԻՄ նախագահը նշեց, որ ինքը դեմ չի լինի, եթե վաղն իսկ իր դեմ մահափորձ կատարողներին ազատ արձակեն: «Փողոցներում այդ երեքի նման շատերը կան՝ երեքն ավել, երեքը պակաս, նշանակություն չունի: Նրանք առանց այդ էլ ողորմելի վիճակում են: Թող որքան հնարավոր է` շուտ վերադառնան իրենց ընտանիքները:
Միաժամանակ չի բացառվում, որ փաստաբանիս հետ խոսելուց հետո որոշ քայլերի գնանք: Եթե անգամ բողոքարկելու լինենք, ապա ոչ պատժաչափերի մասով: Եթե փաստաբանս նման ցանկություն ունենա, ես նման բան թույլ չեմ տա»,- ասաց նա` հավելելով, որ բողոքարկումը, հնարավոր է, վերաբերի մի շարք վկաների հրապարակայնորեն չհարցաքննելուն:
Դիտել 5-րդ րոպեից
Աղբյուր՝ 1in.am
ԴԷՊԻ ԲԱՑԱՐՁԱԿ ԺՈՂՈՎՐԴԱՎԱՐՈՒԹԻՒՆ
Նուիրում եմ բոլոր ժամանակների բոլոր ազգերի ազատասէր մարդկանց..
Ժողովրդավարութիւնը մեծագոյն համամարդկային արժէքներից է։ Պետութիւնների ժողովրդավարականութեան կողմնակիցներն արձանագրում են, որ իր բոլոր թերութիւններով հանդերձ ժողովրդավարութիւնը հասարակական յարաբերութիւնների կարգաւորման եւ ազգային պետական կեանքի կառավարման լաւագոյն համակարգային հնարաւորութիւնն է։ Ընդգծւում է նաեւ այն, որ ժողովրդավարութիւնը դարձել է միջազգային յարաբերութիւնների կարգաւորման, պետութիւնների խաղաղ գոյակցութեան եւ զարգացման գլխաւոր նախապայմանը։