Category: Հրապարակումներ
Published on 19 January 2015
Print

«Վերջին երեք տարիներին ժողովրդի առջև ծառացած ամենամեծ խնդիրը մեզ պարտադրված հակաքաղաքական ուղին է»,-վստահ է ԱԻՄ առաջնորդ Պարույր Հայրիկյանը: Հնարավոր է՝ ԱՄՆ-ի և Եվրոպայի միջև միասնական տնտեսական գոտի ստեղծվի, և այն քսան անգամ կգերազանցի ռուսաստանյան տնտեսությանը: Պարոն Հայրիկյանը ցավում է, որ 700 միլիոնանոց շուկայից մեր երկիրը զրկվեց՝ միանալով ԵՏՄ-ին:

Անդրադառնալով Գյումրիի արյունալի դեպքերին՝ նա շեշտել է. «Եթե քո պետության տարածքում խոսում են այլ պետության Սահմանադրության գերակայության մասին, դա փաստում է այն մասին, որ մեր երկիրն օկուպացված է»: Մեր իրավապահները, պարոն Հայրիկյանի կարծիքով, բթացած մարդիկ են, ովքեր իրենց գործը լավ չեն կատարում։ «Հայաստանը չունի առաջնորդ, կա Պուտինի խամաճիկ»,-վստահ է ԱԻՄ առաջնորդը: Նրա խոսքով՝ Պուտինը Հայաստանում ունի փաստաբանների մեծ բանակ, հետևաբար՝ շատ հարցեր կարող է լուծել: Բացի այդ, նաև նկատել է. տարածաշրջանում ռուսների հայտնվելուց հետո մենք՝ հայերս, կազմում ենք այս տարածքի 0,1 տոկոսը:

 


 
Category: Հրապարակումներ
Published on 23 October 2014
Print

«Ես` որպես քաղաքացի և կուսակցության առաջնորդ, դեռ չեմ հասկանում, թե որն է այն նպատակը` հանուն որի ես պետք է մի կողմ դնեմ իմ բոլոր գործերը և միանամ այդ շարժմանը»,- ասաց ԱԻՄ առաջնորդ Պարույր Հայրիկյանը` անդրադառնալով այսօրվա ներքաղաքական իրավիճակին ու զարգացումներին:

Նրա խոսքով` ոչ իշխանական ուժերի ընտրած կարգախոսն էլ է աննպատակ` «Միացում և հաղթանակ». «Այդ կարգախոսը կարող է օգտագործել և՛ միապետականը, և՛ հանրապետականը, և՛ անարխիստը, և՛ ընկերվարը, այսինքն` այդտեղ չի երևում որևէ սկզբունք, որևէ նպատակ: Դա շատ նման է «Պայքա՛ր, պայքա՛ր մինչև վերջ» անբովանդակ կարգախոսին: Իսկ միացում այս մարդիկ մեկ անգամ արդեն գոռացել են, և այդ վանկարկման ժամանակ մենք ասում էինք` ինքնորոշո՛ւմ, անկախությո՛ւն. դրանք հստակ կարգախոսներ են»:

Բայց այս շարժման մեջ կա մի բան, որ գրավիչ է Պ. Հայրիկյանի և նրա կուսակցության համար. ոչ իշխանական ուժերը չեն ընդունում իշխանության առաջարկած սահմանադրական բարեփոխումները. «Ի տարբերություն մեզ` նրանք այլընտրանք չեն առաջարկում: Ճիշտ է, նրանք ուրանում են և դրա մասին չեն խոսում, բայց մենք սահմանադրական բարեփոխումների հայեցակարգի այլընտրանք արդեն ներկայացրել ենք: Մենք ներկայացրել էինք բացարձակ ժողովրդավարության տարբերակը, հետո իրենք իրենցը ներկայացրին, բայց այնուամենայնիվ մենք թարմացրինք:

Այնուամենայնիվ երբ գործը հասնի նրան, որ Սահմանադրության համար պայքար կընթանա, ապա այդ հարցում մենք գուցե միասին լինենք»:

Ըստ ԱԻՄ առաջնորդի` այսօրվա ընդդիմադիրներից ոմանք կա՛մ նախկին իշխանակիրներ են, կա՛մ իշխանության համար պայքարողներ. «Ցավոք, գաղափարակիրներ չկան այնտեղ: Ի վերջո, ազգի համար կարևորագույն հարցում նրանք մի կողմում են` ԵՏՄ-ի հետ միանալու հարցում նրանք միասնական թիմ են կազմում` անկախ Րաֆֆու որոշ դրսևորումներից: Եթե դուք ամենակարևոր հարցում միասնական եք, ապա տասներրորդական հարցերում որքան էլ առանձին լինեք, ամենևին էլ էական չէ: Այսինքն` կա՛մ իշխանություն ունեն, կա՛մ ձգտում են իշխանության, այնտեղ գաղափար, պայքար ազգային նպատակի համար չկա, ինչը տխուր իրողություն է»:

Անդրադառնալով հարցին, թե արդյոք վաղը` հանրահավաքի ժամանակ, Գագիկ Ծառուկյանը կասի՞ այն, ինչին ժողովուրդն է սպասում, Պ. Հայրիկյանն ասաց, որ Ծառուկյանը բիզնեսմեն է, իսկ բիզնեսմենը քաղաքականությամբ զբաղվելու իրավունք չունի. «Դա միջազգային կարգ է, քանի որ քաղաքականությունը ծառայեցնել բիզնեսի գործին՝ հանցագործություն է: Ես չեմ ուզում, որ մենք Հայաստանում ունենանք վատ բիզնեսմեններ: Նրանք թող զբաղվեն իրենց գործով, և քաղաքականության մեջ նրանք կարող են լինել միայն այն բանից հետո, երբ ամբողջությամբ կհրաժարվեն բիզնես գործունեությունից ու բարեգործություններից: Դա նաև ՀՀ Սահմանադրության պահանջն է: Ինչ վերաբերում է ծրագրերին, ապա ի՞նչն էր խանգարում նրան անցած անգամ ելույթ ունենալ, թող գոնե մի երկու բան ասեր: Ես նրա մոտեցումներից մեր ժողովրդի համար որևէ դրական ակնկալիք չունեմ»:

 

Աղբիւր՝ 168.am

 
Category: Հրապարակումներ
Published on 08 October 2014
Print

ԱԻՄ առաջնորդ Պարույր Հայրիկյանը կարծում է, որ հանրության մեջ ընկալվող հիմնական խնդիրն այսօր եռյակի առաջիկա հանրահավաքն է, գիտակից, մարդկանց մոտ նաեւ մտահոգությունը, թե այդ օրն ինչ կկատարվի: Իսկ ավելի ռազմավարական հայացք ունեցող մարդկանց մոտ Եվրասիական միության հետ կապված խնդիրներն են: Այսօր այդ մասին ԱԻՄ առաջնորդը խոսեց «Տեսակետ» մամուլի ակումբում «Ուր է գնում Հայաստանը: Հայաստանի առջև ծառացած գլխավոր խնդիրները և ընդդիմադիր ուժերի դիրքորոշումը դրանց շուրջ» թեմայով մամուլի ասուլիսի ժամանակ:

Հայրիկյանի կարծիքով, հանրության սպասելիքներն առաջիկա հանրահավաքից այդքան շատ չեն, քազի առկա խնդիրները մեկ օրում չեն ստեղծվել. «Երեկ քառյակ էր, այսօր եռյակ, նրանցից երկուսը նպաստել են այս իրավիճակին…»: Իր`Պարույր Հայրիկյանի համար մեծագույն խնդիրը արտաքին քաղաքական ռազմավարական որոշումն է`դեպի հետադիմական ՌԴ, թե՞ քաղաքակիրթ Եվրոպա: «Բայց սա էլ ածանցյալ հարց է, քանզի այն չէր լինի, եթե Հայաստանը լիներ ժողովրդավարական պետություն: Ամենակարեւոր խնդիրն այսօր այդ համակարգի որդեգրումն է, քանզի այդ պարագայում, իրավիճակի տերը կլինեին ողջախոհ քաղաքացիները, ոչ թե պատեհապաշտ չինովնիկները կամ օլիգարխները: Պետերբուրգն էլ գեղեցիկ քաղաք է, բայց մեր քաղաքացիներին հարցրեք, թե որտե՞ղ կցանկանային գնալ հանգստանալու կամ տուն ունենային: Իհարկե`Եվրոպայում»,- ասաց բանախոսը:

Ամենակարեւոր խնդիրը 1991-ի անկախության նկատմամբ քամահրանքն է`կարծում է ԱԻՄ առաջնորդը`հավելելով, որ ՌԴ-ի հետ մենք ուզում ենք լավ լինել, բայց չենք ուզում բռնապետության վասալը լինել, այն էլ կործանվող բռնապետության:

«Ես ողջունել եմ եռյակի գործնականությունը, հայտարարություն ունենք, որն առայժմ չենք հրապարակի, որպեսզի իշխանությունների ջրաղացին ջուր չլցնենք: Բայց այն խուսափողական հայտարարությունը, որ արտաքին քաղաքական հարցերին չենք անդրադառնալու, արդեն իսկ մեկ քայլ նահանջ է»,- ասաց Պարույր Հայրիկյանը հավելելով, որ, նախևառաջ, պետք է դավաճան որակվի այն անձը, որը «Գույք պարտքի դիմաց» գործարքի հեղինակն է, մինչդեռ նա դեռեւս հավակնում է մեծ քաղաքականություն վերադառնալ: Հիշեցնենք, գործարքի հեղինակը Ռոբերտ Քոչարյանն էր:

Եռյակի, հոկտեմբերի 10-ի հանրահավաքի եւ դրանց ածանցյալ քաղաքական գործընթացների հայրիկյանական որակումները` տեսանյութում

 


Աղբիւր՝ Առաւոտ

 
Category: Հրապարակումներ
Published on 15 October 2014
Print

Վատ չէ, որ ջղաձգվողներ կան ստրկացման դեմ իսկ ինքը ժառանգաբար երեւի ստացել է բոլշեւիկյան կամ որեւէ այլ ռուսական բռնակալության դեմ թուլանալու եւ հաճույք ստանալու պատվեր, դա իր իրավունքն է: Այս մասին NEWS.am-ի թղթակցի հետ զրույցում ասաց Ազգային ինքնորոշում միավորման նախագահ Պարույր Հայրիկյանը՝ անդրադառնալով Հայաստանի առաջին նախագահ Լեւոն Տեր-Պետրոսյանի՝ ԵՏՄ անդամակցության դեմ խոսողներին ջղաձգվող որակելուն:

Նրա խոսքով՝ հոկտեմբերի  10-ին եռյակը չանդրադարձավ կարեւոր իրադարձություններին, բայց գոնե կարող էին տղամարդակայնություն ունենալ ու ասել, որ իրենք այդպիսին են: «Ինքը, եթե նկատում եք, շատ լպրծուն հայտարարություն է անում, ասում է՝ այս իրադարձությունը անշրջելի է: Այ փոքրիկ, եթե դա անշրջելի է, մի հատ դու ասա՝ այդ անշրջելին դրական է, թե բացասական, էդ ինչ աղվեսություն է, ասա՝ անշրջելի բացասական է կամ անշրջելի դրական, Սերժի տղամարդկայնությունն էլ չունե՞ս, Սերժի դեմ եք պայքարում, նա հայտարարեց չէ, որ սա քաղաքակրթական ընտրություն չէ, նշանակում է ՄՄ-ն հակաքաղաքակրթական ընտրություն է»,-ասաց ԱԻՄ առաջնորդը:

Նա շեշտեց, որ հանրահավաքին միակ լուսավոր ակնթարթը «Ժառանգության» առաջնորդ Րաֆֆի Հովհաննիսյանի գնահատականն էր, որ այդ մարդիկ հավաքված են բողոքելու ԵՏՄ-ի դեմ: «Այդպես էլ կարելի է ասել, եթե եռյակի հանրահավաք է, ուրեմն 1/3-րդ էլ Րաֆֆին է, հետեւաբար՝ 1/3-րդը բողոքում էր ԵՏՄ-ի դեմ, աշխարհի լրատվամիջոցները չեն սխալվել գնահատական տալիս»,-ասաց նա:

ԱԻՄ առաջնորդը շեշտեց, որ եռյակը պետք է անցյալ ունենար, որ ապագա ունենա, իսկ ներկան ծիծաղելի է, ոչ նպատակադրում կար, ոչ գործողությունների նախնական ծրագիր, անգամ հանրահավաքին չեն կարողանում ասել, թե մյուս անգամ երբ կհանդիպեն: «Դու ո՞վ ես, որ ասում ես Ռուսաստանի դեմ չեմ խոսելու, այսինքն՝ հայ մարդիկ ասում են՝ լա՞վ է, որ Ռուսաստանը Ուկրաինայում արյունահեղություն է անում: Հենց խոսելու եմ, լավ էլ անելու եմ, դու ո՞վ ես, որ ինձ ասում ես, կարող ես ասել, որ մենք՝ այսինչ կուսակցությունս, Ռուսաստանի բոլոր քայլերը լավ ենք համարում, որովհետեւ սրիկա ենք ու անազնիվ»,-ասաց Պարույր Հայրիկյանը:

Թե որն է եռյակի նպատակը, ԱԻՄ առաջնորդն ասաց, որ ԿԳԲ-ի մասնաճյուղերը իրար հետ կռիվ են տալիս, «նա ով որ ԿԳԲ-ի ծրագիրն կողմ է արտահայտվում կամ աջակցում է իր լռությամբ, ԿԳԲ-ի գործակալ է»:

 

Աղբիւր՝ News.am

 
Category: Հրապարակումներ
Published on 03 October 2014
Print

Lragir.am-ը բազմաթիվ նյութեր է հրապարակել այն մասին, թե ինչ կարող է սպասվել Ղարաբաղին Եվրասիական միությանը Հայաստանի անդամակցության դեպքում: Հրապարակումներում ենթադրություններ էին արվում այն մասին, որ Ռուսաստանը Հայաստանի անդամակցությունից հետո կարող է պայմանավորվածության հասնել Թուրքիայի ու Ադրբեջանի հետ Ղարաբաղը Ադրբեջանին վերադարձնելու մասով: Եւ ահա, այդ մասին փաստացի սկսել են բացահայտ խոսել:

Կրեմլին մերձ փորձագետները նշում են, որ Հայաստանի անդամակցությունից անմիջապես հետո սկսվելու է Ադրբեջանի եվրասիական ինտեգրումը, որը «բնական կերպով հայտնվելու է եվրասիական հանրության մեջ»:

Փորձագետներից մեկը՝ Սերգեյ Մարկովը նշել է, որ ներկայում հայ, ռուս եւ ադրբեջանցի դիվանագետները ակտիվ բանակցություններ են վարում ղարաբաղյան խնդրի լուծման ուղղությամբ: Նրա խոսքով, այդ բանակցություններին շուտով միանալու են թուրք դիվանագետները:

«Գործընթացը սկսվել է, դիվանագետները սկսել են շարժումը, իսկ դա կարող է հանգեցնել Խաղաղության մեծ պայմանագրին: Առաջին փուլում հնարավոր է Ադրբեջանի 7 օկուպացված շրջանների ազատումը հայ-ադրբեջանական եւ հայ-թուրքական սահմանների ապաշրջափակման դիմաց: Այս տարբերակի վրա ներկայում աշխատում են դիվանագետները», ասել է նա:

Մեծ երեւակայություն պետք չէ հասկանալու համար, թե որն է լինելու «երկրորդ փուլը»: Քանի որ Ադրբեջանը նույնպես մտնելու է Եվրասիական միություն, երկրորդ փուլում ստանալու է ողջ Ղարաբաղը՝ ինչ որ կարգավիճակով: Այսինքն, կրկնվելու է 1920 թվականի սխեման:

Այլ կերպ չի կարող լինել, քանի որ դա Ռուսաստան-Հարավային Կովկաս պատմական ու քաղաքական իրավիճակի տրամաբանությունն է: Երբ Ռուսաստանը «հեռանում» է Կովկասից, Հայաստանը հնարավորություն է ստանում մեծացնել իր տարածքը եւ կառուցել անկախ պետականություն: Երբ Ռուսաստանը վերադառնում է, դա տեղի է ունենում Հայաստանի ինքնիշխանության, տարածքների ու շահերի հաշվին: Այլ կերպ Ռուսաստանը չի կարող վերադառնալ եւ չի կարող կայսրություն ստեղծել: Ռուսական կայսրությունը հնարավոր է միայն Թուրքիայի ու Ադրբեջանի օգնությամբ, հասկանալի է, թե ինչ վճարի դիմաց:

Ռուսաստանը երկկողմ պայմանագրերով Հայաստանին արդեն զրկել է արտաքին ինքնուրույն քաղաքականությունից, իսկ Եվրասիական միություն մտցնելուց հետո կզրկի նաեւ ինքնիշխանությունից: Այդ ժամանակ Ղարաբաղի խնդիրը «կարգավորվելու» է արդեն Ռուսաստան-Եվրասիական միություն-Ադրբեջան ձեւաչափով: Եվրասիական միության անդամները Ադրբեջանի ռազմավարական դաշնակիցներն են եւ զինում են Ադրբեջանին:

Ադրբեջանն իսկապես «Եվրասիական հանրության բնական մասն է» եւ այլ տեղ չի էլ կարող լինել: Եվրասիական միությունը ներկայում Ադրբեջանի պետականության եւ Ալիեւի ռեժիմի գոյատեւման միակ երաշխիքն է: Զուր չէ, որ Թուրքիան Ադրբեջանին մղում է Եվրասիական միություն, իսկ ինքն էլ պատրաստ է սերտ հարաբերություններ հաստատել այդ միության հետ:

 

Աղբիւր՝ Լրագիր

 

Page 4 of 39

 

Որոնում

Վերջին տեսանիւթեր

?>?>