Category: Ասուլիսներ
Published on 13 November 2013
Print


Ազգային ինքնորոշում միավորման առաջնորդ Պարույր Հայրիկյանն այսօր կայացած ասուլիսին ներկայացրեց Հայաստանում Մաքսային միության և Եվրոպական միության վերաբերյալ իրենց կողմից իրականացված հարցման արդյունքները՝ հայտարարելով, որ Հայաստանի բնակչության 70% դեմ է ՄՄ-ին։

«Ես անձամբ սոցիոլոգիայով զբաղվում են 40 տարի, հարցումն անցկացրել ենք բոլոր տեղերում՝ բացառությամբ երկու մարզերի, հարցաթերթիկի բովանդակությունն այն է, թե տեղյա՞կ են արդյոք ԵՄ-ից և ՄՄ-ից։ Մասնակցել է 1 284 հոգի, 27%-ը չի կողմնորոշվում, ոչ մեկին նախընտրել է 22%-ը, ՄՄ-ին՝ 22%, ԵՄ-ին՝ 28,04%: Ստացվում է, որ վաղը, երբ ՀՀ-ն միանա ՄՄ-ին, էս 70 տոկոսը «վեշերը» հավաքողներ են լինելու»,- ասաց նա և ավելացրեց. «Երևանի կենտրոնում մենք ստացել ենք ՄՄ-ին կողմ ընդամենը 7 տոկոս, բայց տրամաբանորեն հարց է առաջանում, Երևանի կենտրո՞նն է տրամադրված ՄՄ-ին գնալու»:

Այդ հարցումներից հետո Պարույր Հայրիկյանն ամենայն պատասխանատվությամբ հայտարարեց, դրանք ցույց են տալիս, որ Հայաստանի իշխանությունները սխալ ճանապարհի վրա են. «Ռազմավարական նշանակության խնդրի առջև ենք կանգնած ազգովի, պետք է սխալ թույլ չտալ, երբ ժողովուրդն է սխալվում, կարող է իր սխալն ուղղել, երբ դա անում է քաղաքական գործիչը, այդտեղ որևէ արդարացում չկա: Հանկարծակի մի օրվա մեջ եվրոպական կողմնորոշում ունեցող մեր իշխանավորները որոշեցին գնալ Մաքսային միություն: Դրան նախագահն է կողմ, ոչ թե ժողովուրդը: Ես ժողովրդավարության կողմնակից եմ, իսկ դա նշանակում է, որ պետք է լսել ժողովրդին»:

Դառնալով ՄՄ-ին անդամակցելու ՀՀ նախագահի որոշմանը՝ ավելացրեց. «Ընտրություններից առաջ ասում ես՝ գնալու ենք Եվրոպա, ընտրություններից հետո՝ Մաքսային միություն: Ո՞ր հայն է ուզում ռասիզմ քարոզող Ռուսաստանում ապրել: Ռուսաստանի դեմ ոչ ոք չի խոսում, բայց մենք չպետք է մոռանանք, որ մեր Խաչատուր Աբովյանից սկսած և վերջացրած Պարույր Սևակով զոհվել են ռուսական իմպերիալիզմի պատճառով»:

Պարույր Հայրիկյանը հայտարարեց, որ պետք է կոչ անել հանրությանը մի օր դուրս գալ փողոց և ասել, որ դեմ են ՄՄ-ին: «Եթե ՀՀԿ-ն ստրկատիրական կառուցվածք չունենար, նրանցից գոնե մի հոգի դուրս կգար և կասեր, որ դեմ է ՄՄ-ին: ՀՀ քաղաքական կուսակցությունների հիմնական մասը ստրկատիրական կառույցներ են»,- ասաց նա:

 

Աղբիր՝ Tert.am

 
Category: Ասուլիսներ
Published on 08 November 2013
Print

ԱԻՄ առաջնորդ Պարույր Հայրիկյանն, այսօրվա մամլո ասուլիսում խոսելով նախկին քաղբանտարկյալ   Շանթ Հարությունյանի  «հեղափոխության մասին», ասաց, որ օրեր առաջ Մաշտոցի պողոտայում   տեղի ունեցած դեպքերի   մասին ունի քիչ ու հակասական տեղեկություն: «Իմ պատկերացմամբ հեղափոխությունն այլ  բան է: Հեղափոխություն` նշանակում է  եղածը փոխել, որը  վատ բան չէ, բայց բռնությամբ անել  դա,  չեմ ընդունում: Ես չգիտեմ` Շանթն ինչ էր ուզում անել, բայց նրա «հիվանդագին» արժանապատվությունը ողջունելի բան է: Եթե ես հնարավորություն ունենամ, նրան կազատեմ ու մի շարք այլ ձերբակալվածների էլ   բանտից կազատեմ»,- ասաց Պարույր Հայրիկյանը: 

 

Աղբիւր՝ Mardik.am

 
Category: Ասուլիսներ
Published on 23 October 2013
Print

Անդրադառնալով իր դեմ մահափորձի գործով դատավարությանը, ԱԻՄ առաջնորդ Պարույր Հայրիկյանը հայտարարեց.«Իմ դեմ մահափորձի առաջին շարժառիթի մասին մենք գիտենք: Հայաստանը պիտի դառնա Մաքսային միության անդամ, և Ձեր անկախության պայքարի առաջնորդը կարող էր խանգարել: Ռուսական իմպերիալիզմի կողմից ուղղակի հանձնարարություն է տրվել գաղտնի գործակալական ցանցին»: 

Նա տեղեկացրեց, որ բողոքարկելու է էպոսագետ ներկայացող Վարդան Սեդրակյանի գործով դատավճիռը Վերաքննիչ դատարանում, որպեսզի բացահայտվի, թե ովքեր են Վ. Սեդրակյանին 100 հազար ԱՄՆ դոլար փոխանցել, ինչին, ըստ նրա, դատարանը ամբողջությամբ չի անդրադարձել:

Բացի այդ նա ասաց, որ ինքը պահանջում է այդ գումարով փոխհատուցել մահափորձից հետո իր բուժման ծախսերը` 20 մլն դրամը, որը, նրա համոզմամբ, իրեն է հատկացրել ժողովուրդը:

«Միջին հաշվով ազնիվ քաղաքացիներից յուրաքանչյուրը մոտավորապես 10 դրամ տվել է Հայրիկյանի նախնական բուժման համար: Ոչ մի քաղաքացի պարտավոր չէ հանցագործին ֆինանսավորել: Հանցագործը պետք է ինքը պատասխան տա իր արարքի համար: Այդ գումարը պետք է վերադարձվի պետական բյուջե»,- նշեց բանախոսը:

 

Աղբիւր՝ Hayeli.am

 
Category: Ասուլիսներ
Published on 08 November 2013
Print


«Շատ է խոսվում նախագահի հրաժարականի մասին, բայց ես ուզում եմ մի դիտարկում անել այս առումով`մեր ուսուցիչը պատմությունն է»,- այսօր «Պոստ Սկրիպտում» ակումբում ասաց ԱԻՄ առաջնորդ Պարույր Հայրիկյանը: Պարույր Հայրիկյանը հիշեցրեց` որ նախագահի հրաժարականի դեպք մենք ունեցել ենք: Խոսքը վերաբերում է 1998-ին այն ժամանակվա նախագահ Լեւոն Տեր-Պետրոսյանի հրաժարականին. «Եթե այն ժամանակ նախագահի հրաժարականը գրեթե ոչինչ չփոխեց, քանի որ իշխանության եկան ցածրորակ ՀՀՇ-ականները, որոնք մի օրում դարձան երկրապահ, հետո` ՀՀԿ-ական, ապա հիմա, եթե նախագահը որոշի հրաժարական տալ, չպետք է թույլ տա, որ այդ ցածրորակ ՀՀՇ-ականները նորից իշխանության գան: Դրա համար անհրաժեշտ է, որ Սերժ Սարգսյանը իր հրաժարականից առաջ ճիշտ կադրային նշանակումներ անի, որպեսզի իր հրաժարականից հետո իր թիմակիցը` ԱԺ նախագահը կամ վարչապետը չդառնա երկրի ժամանակավոր ղեկավար: Կադրային ճիշտ նշանակումներ անելուց հետո ԱԺ նախագահը պետք է հրաժարական տա: Այս ամենից հետո Սերժ Սարգսյանը նոր պետք է հրաժարվի երկրի ղեկավարման պարտականությունից»: Պարույր Հայրիկյանի խոսքով` նոր նախագահը պետք է լինի «եվրոպական արժեքային համակարգի հետ հոգեւոր կապ ունեցող, ՌԴ-ի պահվածքին համարժեք պատասխան տվող, ցանկացած բացասական երևույթը մերժող մեկը»: 



Աղբիւր՝ Aravot.am

 
Category: Ասուլիսներ
Published on 23 October 2013
Print

«Ինձ առաջարկել են Բելգիայում, Հոլանդիայում 8 օրվա ընթացքում հայտնել հպատակություն եւ ստանալ ամեն ինչ, ինչ մարդուն անհրաժեշտ է՝ ներառյալ առողջական բուժօգնություն»,- այսօր «Զարկերակ» ակումբում հայտարարեց ԱԻՄ առաջնորդ Պարույր Հայրիկյանը: Այդ առաջարկից հետո Հայրիկյանն ընկել է մտքերի մեջ՝ գնա՞լ, թե՞ ոչ. «Ես հիշեցի, որ մենք յուրահատուկ ազգ ենք: Մեր ավանդական հերոսները փախնող են կամ փախած՝ սկսած Փոքր Մհերից, որ նեղացած գնաց մտավ Ագռավաքարի հետեւի իր կացարանը: Այն օրերին, երբ այստեղ մթնոլորտը նողկալի հայտարարություններով էր հագեցած, թե Հայրիկյանը ինքն իր վրա կրակեց, դա սարքեց, որպեսզի ինչ-որ հաջողությունների հասնի, լսեց Սերժ Սարգսյանին եւ չհետաձգեց ընտրությունները…Հիշում էի նաեւ մեծ հերոս Զորավար կոչված Անդրանիկի կերպարը, ով Հայաստանի անկախացումից հետո լքեց հայրենիքը: Հիշեցի նաեւ երիտասարդ տարիների իմ պատկերացումը, որ եթե չկարողանամ որեւէ բանի հասնել, գոնե կկերտեմ անմնացորդ, ազնիվ հայի կերպար: Հետո հիշում եմ «մահ կամ ազատություն» գոռացող պոռոտախոսներին, ովքեր հենց առիթ եղան՝ փախան արտասահման»: Պարույր Հայրիկյանն ասաց, որ երեք ամիսը մեկ պարտավոր է գնալ ստուգումների, մինչեւ պարզի՝ առաջընթաց կա՞ առողջության հետ կապված, թե՞ չկա. «Ես լավ եմ, ոտքի վրա եմ, միայն աջ ձեռքիս մատները չեն աշխատում, ճկույթով կարողանում եմ գործիք բռնել, ձեռքս աստիճանաբար բարականում է, որը նշանակում է, որ աջ ձեռքս խնդիրներ ունի»: Տեւական ժամանակ Պարույր Հայրիկյանն այդպես էլ հստակ չէր ասում՝ արտերկիր գնալուց հետո վերադառնալո՞ւ է, թե՞ ոչ. «Եթե նմանվեմ ձեր հերոսներին, ովքեր մահ կամ ազատ Հայաստան ասացին ու փախան արտասահման, ապա կարող է ուզեմ լինել ձեր ազգային հերոսներից մեկը եւ չեմ գա, եթե չնմանվեմ, կգամ՝ որպես Պարույր Հայրիկյան եւ կվերադառնամ Հայաստան»: Լրագրողները հետաքրքրվեցին՝ եթե որոշեք չվերադառնալ՝ նեղացա՞ծ կմնաք՝ նա պատասխանեց. «Կդառնամ ձեր ազգային հերոսներից մեկը, էս ազգը նեղացածներին սիրում է չէ՞, աբիժնիկներին, Անդրանիկին…»: Հարցին՝ հիմա մնալո՞ւ եք, թե՞ չեք մնալու եւ ինչո՞վ եք զբաղվելու, եթե մնաք արտերկրում՝ նա պատասխանեց. «Միայն հուշերս բավական են: Իմ ասածից ընտրեցիք այն հատվածը, որը ձեզ հաճելի՞ է: Եթե ես նշեցի ձեր հերոսների մասին, ես չեմ ուզում նմանվել նրանց»: Ավելի ուշ պարոն Հայրիկյանն ասաց, որ գնալու է 3 օրից եւ հետ է գալու հավանաբար 3 օրից. «Ինչքան բժիշկներն ասեն»: Խոսելով «Անկախություն» թերթի մասին՝ Պարույր Հայրիկյանն ասաց, որ այն բացառիկ պատմական դեր է կատարել մեր ժողովրդի կյանքում. «Մենք երախտամոռ թափթփուկներ ենք, եթե չենք նշում ազգային ազատագրական պայքարի սկիզբը: Եթե նշում ենք ֆուտբոլի թիմի 40-ամյակը, պիտի դա էլ նշենք: Մենք նախանձից ելնելով՝ պատրաստ ենք ինքներս մեզ ոչնչացնել, դրա համար ոչ միայն ՄՄ կմտնենք, այլ նաեւ Թուրքային միություն, սա է մեր ողորմելի էությունը»: Հռիփսիմե ՋԵԲԵՋՅԱՆ 

Աղբիւր՝ Aravot.am

 

Page 4 of 9

 

Որոնում

Վերջին տեսանիւթեր

?>?>