Category: Մեկնաբանութիւններ
Published on 12 January 2014
Print

Հայերս տարօրինակ թուաբանութիւններ ենք կարողանում անել։ Մարդը սխալ, թէ ճիշտ իր իմացածն է մատուցում։ Շատ հստակ գրում է՝ «...աւելանում ա (գազի գինը) եւս 201$...» Չի ասում «դառնում է 201», այլ ասում է՝ «աւելանում է եւս 201 դոլարով»։


Հիմա էս ռուսաքծնական վերնագիրը, որ հայերէնով նշանակում՝ գինը ընդամենը բարձրացել է 12$-ով, որտեղի՞ց է ծլել։ 
Իսկ մարդիկ գիտե՞ն, որ գազալցակայաններում ինքնաշարժերը գազալիցքաւորում են աւելի բարձր՝ 500$-ի համարժեք գումարով։ Այսինքն աւելանում է ոչ թէ 201$-ով, այլ՝ 311$-ով։ Միասին ստուգենք․ 10 խմ-ի համար պահանջեցին 2000 դրամ, որն հաւասար է 5$-ի։ 1000 խմ-ի արժեքն իմանալու համար պիտի բազմապատկենք 100-ով։ Ստանում ենք 500$։ (Եւ ոչ ոք թող «չշոփլիկանայ», թէ լրացուցիչ ծախսերն այդքան թանկ արժէն)։ ԳԺուելը իր տեղում, բայց փորենք պատկերացնել իրավիճակի զաւեշտականութիւնը։ Չորս կուսակցութիւններ «կուտակայինի 5 տոկոսի համար» կռիւ են տալիս, որ արդարացուած է, (ի վերջոյ խախտւում է մարդկանց ինքնորոշման իրաւունքը՝ դա պարտադիր եւ ոչ կամաւոր «կուտակային է»), բայց մոռանում կամ չեն նկատում գազի արժէքի 150 տոկոսից աւելի գռփումը։ Որտե՞ղ 5-ը եւ որտեղ՞ 150-ը։ 


Սրանք երեւի վախենում են նեղացնել իրենց «ռուսական պապաներին». չէ՞ որ հիացած են ՄՄ-ով։ Դրանց համար է ասուած՝ «Տղամարդ եմ, թախտի տակից դուրս չեմ գայ»։ Դրանք այնքան նման են1988-89 թթ. խեղճերին, որ հերոսական տեսքով ասում էին՝ «ԱԻՄ-ականները ծայրահեղական են, որովհետեւ անկախութիւն են ուզում։ Արցախի հարցից չպէտք է շեղուել, իսկ նրանք շեղում են»։ Իրենք Արցախ չէին ասում. իրենց համար դա Ղարաբաղ էր։ Դէ, գոնէ հիմա, երկու տամնամեակ անց, մի հատ պատկերացնէին, թէ որտեղ կլիներ Արցախը, եթէ Հայաստանն անկախացած չլինէր ու պետականօրէն չօգնէր Արցախին։
Նոյն վիճակն է, նոյն պատեհապաշտիկներն են՝ մանրապաշտիկները։ Աստուած մեզ այդ գորշացած զանգուածին օգնելու ուժ ու համբերութիւն տայ։

 
Category: Մեկնաբանութիւններ
Published on 15 November 2013
Print

Երեք օր առաջ եմ արել մեր ժողովրդին դէպի դաւադիր «ՄՄ» տանող քաղաքականութեան դէմ միասնաբար աշխատելու վերաբերեալ այս յայտարարութիւն-հրաւէրը.

«Այսօրուա քաղաքական գործիչներին կոչ եմ անում ․․․ մոռանալ բոլոր հաւակնութիւններն ու բարդոյթները եւ ապրել ազգային ու համամարդկային արժեքներով։ Երբ հայութեան վերջին հենակէտ դարձած մեր Հայաստանը կորցնենք, մեր կայացած կամ չկայացած հաւակնութիւններից որեւէ մէկն իմաստ չի ունենայ»։

Առայժմ որեւէ գործնական անդրադարձ չկայ, մէկ բացառութեամբ․․․Նշանակում է բոլոր ուժերի շարքայինները պիտի շարժեն իրենց կուսակցապետերին եւ կամ... Դրա մասին յաջորդիւ։ 

Իսկ առայժմ միայն երեք փաստեր
 

ՆԵՐԿԱՅԻՍ ՌՈՒՍԱՍՏԱՆԸ ԻՐ ՆԵՐԿԱՅԻՍ ՂԵԿԱՎԱՐՈՒԹԵԱՄԲ՝

ա) ԱՇԽԱՐՀԻ ԲԱԶՄԱԹԻՒ ԵՐԿՐՆԵՐԻ ԶԻՋԵՑ ՌՈՒՍԱՍՏԱՆԻՆ ՈՒՆԵՑԱԾ ՆՐԱՆՑ ՊԱՐՏՔԵՐԸ (մոտ 100 միլիարդ դոելար)։ Չգտես, որտեղից յայտնուած Հայաստանի 1000 անգամ պակաս «պարտքը»՝ (մոտ 100 միլիոն դոլար) փոխհատուցուեց աննախադէպ «գոյք պարտքի դիմաց» դաւաճանական գործարքով։

բ) Վերսկսել է անցեալում արդէն մէկ անգամ իրականացրած՝ Հայաստան աշխարհագրական անունը վերացնելու գործը։ Հայաստանի երկաթուղուն դաւաճան իշխանութիւնների համագործակցութեամբ տիրանալով այն վերանուանեցին «Հարաւ-կովկասեան երկաթուղի»։ (Հայաստան չպիտի լինի եւ չկայ․ կայ «ՀԱՐԱՒԱՅԻՆ ԿՈՎԿԱՍ»։)

գ) Հայաստանին պատերազմով սպառնացող Ադրբեջանին զանգուածային ոչնչացան այնպիսի զինատեսակներ է մատակարարում, որոնց մէկանգամեայ օգտագործումն արդէն բաւական է Հայաստանի ռազմական ներուժը անէացնելու համար։ Նախնական պատկերացում կազմելու համար առաջարկում եմ դիտել տեսանիւթը․

 

 

 

Որոնում

Վերջին տեսանիւթեր

?>?>