Category: Հայտարարություններ
Published on 14 November 2014
Print

ԱԻՄ ՅԱՅՏԱՐԱՐՈՒԹԻՒՆԸ
ՀԱՅԱՍՏԱՆԸ ԵՏՄ-ի մաս դարձնելու գործընթացում ՀՀ ՍԱՀՄԱՆԱԴՐԱԿԱՆ ԴԱՏԱՐԱՆԻ դերակատարութեան վերաբերեալ


14 նոյեմբերի 2014թ., Երեւան


Հայաստանի եւ հայ ժողովրդի ռազմավարական կողմնորոշմանը վերաբերող եւ համաշխարհային հանրութեան տեսադաշտում գտնուող կարեւրագոյն հարցը Սահմանադրական դատարանում պէտք է քննուէր հրապարակայնօրէն։ Դրան հակառակ, ՀԱՅԱՍՏԱՆԸ ԵՏՄ անդամ դարձնելոււ Սերժ Սարգսեանի եւ նրա տէրերի ցանկութիւնը Սահմանադրական դատարանը «գրավոր ընթացակարգ»-ի պատրուակով քննեց գաղտնիութեան պայմաններում։ Այդ դիրքորոշումն ինքնին հակասահմանադրական է՝ չի համապատասխանում ՀՀ Սահմանադրութեան ոգուն եւ տառին։
Սահմանադրութեան 19-րդ յոդուածի համաձայն « Յուրաքանչյուր ոք ունի ... իր գործի հրապարակային քննութեան իրավունք»։ Սահմանադրութիւնը, որեւէ օրենքի կամ պայմանագրի սահմանադրականութեան հարցը նախ եւ առաջ քաղաքացիների գործն է։ Խուսափելով խնդրի հրապարակային քննարկումից՝ ՍԴ-ն կասկածելի աշխատելաոճով, բնականաբար, չէր կարող ՀՀ Սահմանադրութիւնից բխող անաչառ որոշում կայացնել։

Ստեփան Զատիկեանի դատավարութեան առիթով յայտնի իրավապաշտպան Անդրեյ Սախարովը ժամանակին ընդգծել էր, որ առանց հրապարակային քննութեան հնարաւոր չէ արդարադատութիւն իրականացնել։
Առաջիկայ տարիներին, թերեւս տասնամեակներին հայ ժողովրդին «հակաքաղաքակրթական» ստորացուցիչ ընտրութեան առաջ կանգնեցրած ՀՀ իշխանութիւնները ՀՀ Սահմանադրական դատարանը վեր են ածել իրենց ազգադաւ քաղաքականութեան փաստաբանական ծառայութեան։
Մենք դատապարտում ենք ՀՀ Սահմանադրական դատարանի հակաիրաւական, հակասահմանադրական որոշումը, որն ուղղուած է հայկական պետականութեան, ինչպէս նաեւ՝ ՀՀ քաղաքացիների իրաւունքների դէմ։ Հայաստանի բարձրագոյն դատական իշխանութեան անունից հայ ժողովրդին ռուսական կայսերապաշտութեան կողմնակից 3 բռնապետների դաշինքին բռնակցելու որոշումը ոչ միայն հակասահմանադրական է, այլեւ՝ մեծագոյն դաւաճանութիւն սերունդների նկատմամբ։

ԱԶԳԱՅԻՆ ԻՆՔՆՈՐՈՇՈՒՄ ՄԻԱՒՈՐՄԱՆ 
ՆԵՐԿԱՅԱՑՈՒՑՉԱԿԱՆ ԽՈՐՀՈՒՐԴ

 

Որոնում

Վերջին տեսանիւթեր

?>?>